ქეთი ცირეკიძე ჩხოროწყუს მუნიციპალიტეტის, სოფელ ნაფიჩხოვოს სკოლის მასწავლებელია.

ის ერთ-ერთია, ვინც სკოლის დირექტორობის უფლება წარმატებით მოიპოვა, თუმცა წარდგინებების ეტაპებზე დაიბლოკა. ის ხელისუფლებისთვის არასასურველი კანდიდატი აღმოჩნდა.

დღეს ქეთი, სხვა მასწავლებლებთან ერთად, სამართლიანობის აღსადგენად იბრძვის. მისი აზრით, სწორედ ბრძოლითაა შესაძლებელი სისტემის გაჯანსაღება და განათლების სისტემაში არსებული პრობლემების დაძლევა.