გაზიარებაიხილე პოსტი

ათასობით პალესტინელი ბრუნდება ღაზის სექტორის ჩრდილოეთ ნაწილში ისრაელსა და ჰამასს შორის ცეცხლის შეწყვეტის შემდეგ. აქ ყველაფერი მიწასთანაა გასწორებული და ინფრასტრუქტურის დიდი ნაწილი განადგურებულია. ისრაელის თავდასხმის შედეგად ღაზიდან (ქალაქიდან) და ჩრდილოეთიდან დაახლოებით 700 ათასი ადამიანი იძულებით გადაადგილდა. გაეროს შეფასებით, 2023 წლიდან, ღაზას სექტორში ყველა საცხოვრებელი შენობის 92 პროცენტი განადგურდა. ტერიტორიის თითქმის მთელი მოსახლეობა ორი წლის განმავლობაში იძულებით გადაადგილებულია. დაახლოებით 1.5 მილიონ ადამიანს ესაჭიროება გადაუდებელი თავშესაფარი. ღაზის სამოქალაქო თავდაცვის სამძებრო-სამაშველო ორგანიზაციის შეფასებით, ნანგრევების ქვეშ დაახლოებით 10 000 ადამიანი რჩება. მათგან მხოლოდ ნაწილის ამოყვანა მოხერხდა, რადგან მუშებს აკლიათ აღჭურვილობა და იძულებულნი არიან ნანგრევებში თითქმის სრულიად შიშველი ხელებით იმუშაონ. ყველა სურათი გადაღებულია მოჰამედ ალ-ჰაჯარის მიერ Middle East Eye-სთვის 11 ოქტომბერს.