გაზიარებაიხილე პოსტი

ბათუმის საქალაქო სასამართლოში მზია ამაღლობელის პროცესი მიმდინარეობს, სადაც ამ წუთებში თავად იკითხება. ამაღლობელმა დეტალურად აღწერა ეპიზოდი, როცა ირაკლი დგებუაძე მასთან დაკავების შემდეგ შევიდა. მის სიტყვას სხდომიდან ჟურნალისტები ავრცელებენ. "ფეხზე მიჭირდა დგომა. პირველივე ოთახში შემაგდეს. როცა შემაგდეს და მითხრეს დავმჯდარიყავი, შემოვარდა ახალგაზრდა კაცი ყვირილით და გინებით. ის ხმა იყო, რაც დაკავებისას ზურგს უკან მესმოდა. როგორ დამარტყიო, მოიწევდა ჩემკენ დედის გინებით. მეორედ და მესამედ გინების დროს ხაზს უსვამდა, რომ ქალი ვიყავი. ძალიან ვიწრო ოთახი იყო. ვცდილობდი, სხვაგან გამეხედა. თავზე მედგა და მაგინებდა. როცა ავხედე, სახეში შემაფურთხა. დღემდე ვერ ვპატიობ ჩემს თავს ამ სიჩუმეს, როგორ არ დავლეწე იქაურობა, როგორ არ ვიყვირე. როცა შემაფურთხა, ერთადერთი რაც შევძელი, ფეხზე წამოვარდნა იყო და ვთქვი - წყალი მომიტანეთ, საპირფარეშოში გამიყვანეთ-მეთქი. ოთახში მყოფმა ქალმა პოლიციელმა აიღო ჭიქა წყალი რომ მოეტანა, ხმამ შეაჩერა, დგებუაძის ხმა იყო: არა, არანაირი წყალი და მისივე ხმა - ,,ჩაიფსას!” - იხსენებს ამაღლობელი.