გაზიარებაიხილე პოსტი

ახალი საკანონმდებლო ცვლილების მიხედვით, რომელიც დღეს “ქართულმა იცნებამ” იურიდიულ კომიტეტზე წარადგინა, შესაძლოა, 5-დან 70 გრამამდე მარიხუანის ფლობა 6 წლამდე თავისუფლების აღკვეთით დაისაჯოს. ცვლილება რადიკალურად ეწინააღმდეგება ბოლო ათწლეულის პრაქტიკას. 2015 წლიდან მოყოლებული, 70 გრამამდე მარიხუანის ფლობა არ ითვალისწინებდა პატიმრობას, ხოლო 2018 წლის საკონსტიტუციო სასამართლოს გადაწყვეტილებით, მარიხუანის მოხმარება დეკრიმინალიზდა. მოქმედი წესით, 5 გრამამდე ფლობა ადმინისტრაციულ სამართალდარღვევად ითვლებოდა და მხოლოდ განმეორებითი შემთხვევისას გადადიოდა სისხლის სამართლის ფარგლებში, მაშინ როცა 5 გრამზე მეტი ოდენობა სისხლის სამართლის წესით, მაგრამ არასაპატიმრო სასჯელით ისჯებოდა. დღემდე მოქმედი კანონით, 70 გრამამდე ფლობა “დიდ ოდენობად” არ ითვლებოდა და უმეტესად ჯარიმით ან საზოგადოებისათვის სასარგებლო შრომით სრულდებოდა. ახალი პროექტის მიხედვით კი ეს ზღვარი უქმდება და 5 გრამზე მეტი ნებისმიერი ოდენობის ფლობა შესაძლოა თავისუფლების აღკვეთით დაისაჯოს - მათ შორის იმ შემთხვევაშიც, როდესაც ფლობა მხოლოდ პირადი მოხმარების მიზნით ხდება. აღსანიშნავია, რომ 2017 წელს თავად “ქართული ოცნების” ინიციატივით მცირე ოდენობის ზედა ზღვარი 50 გრამიდან 70-მდე გაიზარდა.