ფოთში, ჯავახიშვილის 30 ნომერში, წლებია აფხაზეთიდან დევნილი 100-მდე ოჯახი ცხოვრობს. როგორც ისინი ამბობენ, ბოლო 3 წელია, რაც მათი კორპუსების წინ, პორტის ტერიტორიაზე, სხვადასხვა ქიმიური ნივთიერების ღია წესით დამუშავება მიმდინარეობს, რამაც მათ ჯანმრთელობას საფრთხე შეუქმნა. სამეზობლოში უკვე 6 ონკოლოგიური პაციენტია, ბავშვებს სისხლში აღენიშნებათ ტყვიისა და ვერცხლის საგანგაშო რაოდენობა.

“მთავარი ყოფილა აქ ბიზნესი, მთავარი ყოფილა ვიღაცამ ჯიბეები გაივსოს, თორემ ხალხი რა არის, კიდევ დაიბადებიან. მეტი სხვა დასკვნა მე ვერ გავაკეთე მე ამათი საუბრიდან.”