იანვრის დარბევის შემდეგ, 1-ელ თებერვალს ტალახაძეების ოჯახი აღსრულების პოლიციამ დაიბარა და 29 თებერვლამდე სახლის დაცლა მოთხოვა. წინააღმდეგ შემთხვევაში რვასულიან ოჯახს ძალადობრივი გამოსახლებით დაემუქრა.

ოჯახში ცხოვრობს 3 მცირეწლოვანი ბავშვი და 2 შშმ პირი, რომლებმაც სამუდამო ფიზიკური ტრავმები წინა ხელისუფლების დროს გდლანის ციხეში წამებისას მიიღეს.

მევახშე გულიკო ხატიაშვილი ტალახაძეების ბინას აუქციონზე 15 000 დოლარად დაეუფლა. 2 წლის წინ გამოსახლების მცდელობისას, ოჯახი გულიკო ხატიაშვილს 20 000 დოლარს სთავაზობდა და, თანახმა იყო, მეტიც შეეთავაზებინა. თუმცა, მევახშე მხოლოდ ბინით არის დაინტერესებული და ყველანაირ მოლაპარაკების პროცესს თავს არიდებს.