2023 წლის ოქტომბერში მიღებული ცვლილებით, 2024 წლის დასაწყისიდან, მოქალაქეებისთვის თანაბრად უნდა იყოს ხელმისაწვდომი, როგორც ქიმიო/ჰორმონო/სხივური თერაპიებისა და მედიკამენტების, ისე ონკოლოგიური ქირურგიის დაფინანსება.

მიუხედავად ამ დაპირებისა, დაწესდა 25 ათას ლარიანი წლიური ლიმიტი თითოეულ ონკოპაციენტზე, რაც ხშირ შემთხვევაში, არის მხოლოდ ორი, ან სამი თვის სამკურნალო თანხა.

ასევე ონკოპაციენტები ამბობენ, რომ დაფინანსების დაგვიანება და წამლების დეფიციტი, მუდმივი პრობლემაა და შეიძლება პაციენტს თვეები დაუგვიანდეს მისთვის სასიცოცხლოდ აუცილებელ ჯანდაცვის სერვისებსა და მედიკამენტებზე წვდომა.