ჯანდაცვის სამინისტროში დიაბეტის მქონე ბავშვების მშობლების აქცია გაიმართა. მშობლები სამინისტროს ფოიეში შევიდნენ და ჯანდაცვის მინისტრთან შეხვედრას მოითხოვდნენ.

მათი თქმით, ინსულინის დეფიციტის გამო, მათი შვილების სიცოცხლე საფრთხეშია. დეფიციტი კი გამოწვეულია იმით, რომ სახელმწიფომ ვერ მოახერხა შესაბამისი ტენდერის დროულად ჩატარება. მშობლები ასევე საუბრობენ დიაბეტის პროგრამის სხვა პრობლემებზე.

მშობლებს დღეს მინისტრი არ შეხვედრია, თუმცა დაპირება მიიღეს, რომ პრობლემები მოგვარდება.

წინააღმდეგ შემთხვევაში მშობლები პერმანენტულ აქციებს გამართავენ.