ნახეთ სიუჟეტი ქუთაისის მეტალურგიული ქარხნის შესახებ. 2009 წლიდან აქ ფუნქციონირებდა საწარმო “ჰერკულესი”, 2019 წლიდან ქარხანა ეკუთვნის “ამბიკონ სტილსს”. ეს სახელები პირობითია, როგორც ინდოეთის მოქალაქე, ასევე ქართველი მუშები, მრავალი წელია უმძიმეს პირობებში მუშაობენ. დღესდღეობით ქარხანაში 300-მდე მუშაა დასაქმებული.

28 ივლისს სასამართლოს დადგენილების საფუძველზე, გარემოს დაცვისა და სოფლის მეურნეობის გარემოსდაცვითი ზედამხედველობის დეპარტამენტმა „ამბიკონ სტილსს“ მეტალურგიული წარმოების უფლება შეუჩერა. საწარმოს ეზღუდება საქმიანობა მანამ, სანამ საწარმო შესაბამისი ტექნოლოგიით არ აღიჭურვება.

ამ განცხადებაში არაფერია ნათქვამი ქარხანაში დასაქმებული ადამიანების ბედზე. არც სხვა დეპარტამენტების ან სამთავრობო ადმინისტრაციების განცხადება მოგვისმენია იმასთან დაკავშირებით, აუნაზღაურდებათ თუ არა განაცდური მშრომელებს. რა პირობებში გააგრძელებენ ისინი მუშაობას და ა.შ.

სიუჟეტში გიყვებით იმ საყოველთაო, თუ ყოველდღიური ბრძოლის შესახებ, რომელსაც აქ დასაქმებული ადამიანები წლების განმავლობაში გადიოდნენ.