ბათუმი, რომელიც თავისი მოწყობითა და არქიტექტურით გამორჩეული ქალაქია, სულ უფრო კარგავს საჯარო და ყველასთვის ხელმისაწვდომ სივრცეებს. ადგილები, რომლებიც ქალაქის იდენტობის ნაწილი იყო და ბევრი სხვადასხვა თაობისთვის – მნიშვნელოვანი სოციალიზაციის ადგილი, სრულიად ქრება. მათ ადგილს კი კომერციული სივრცეები იკავებს. მათ შორისაა, სპორტული კომპლექსი “ბასკო”, რომელმაც ბევრი სპორტსმენი აღზარდა.

ბულვარიც კი, რომელიც აქაურებისა და დამსვენებლებისთვის ყველაზე მნიშვნელოვანი ადგილია რეკრეაციისა და განტვირთვისთვის, ხარბი ინვესტორებისა და ბიუროკრატების მიერ იყიდება.

კაპიტალი და ხარბი ადგილობრივი ბიუროკრატია კი კვლავ განაგრძნობს საზოგადოებისთვის მბიშვნელოვანი იმ მცირე ადგილების გასხვისებასაც კი, რომელიც ქალაქს ჯერ კიდევ შემორჩა.