ელზა სურმანიძე – შრომა სერვისის სფეროში

ელზა სურმანიძე, ქედის მუნიციპალიტეტში, სოფელ პირველ მაისში, ცხოვრობს. ის გვიყვება, რომ ზემო აჭარაში, ახალგაზრდებისთვის მთავარი პრობლემა უმუშევრობაა.
ვინც დასაქმება მოახერხა, მათგან, ბიჭების უმრავლესობა ბათუმში მშენებლობაზე, მძიმე, სახიფათო და დაბალანაზღაურებად სამსახურებში მუშაობენ, გოგონები კი ძირითადად სუპერმარკეტებში არიან დასაქმებული, სადაც ასევე მიზერული ანაზღაურება და კაბალური შრომითი პირობებია.