შაზინა გოცირიძე სილიკონ-მანგანუმის წარმოებაზე, რაც მრავალი პროფესიული დაავადების წყაროა

შაზინა გოცირიძემ ფეროში 50 წელი იმუშავა ქიმიკოსად, ის ტექნიკური უნივერსიტეტის პროფესორია, მან თავისი აკადემიური ცხოვრება, ინოვაციური გამოგონებები, სწორედ ამ ინდუსტრიის განვითარებას მიუძღვნა.
90-იანი წლებიდან ქარხანა კავშირს წყვეტს სამეცნიერო საზოგადოებასთან. 2006 წლიდან ზესტაფონის ფეროს, ჭიათურმანგანუმთან ერთად, “ჯორჯიან მანგანეზი ფლობს.

ქალაქში, ბოლო წლებში, საწარმოო გამონაბოლქვი, ერთი შეხედვით თითქოს შემცირდა. შაზინა გოცირიძე გვიხსნის, რომ ამან შეცდომაში არ უნდა შეგვიყვანოს, ვინაიდან, მომწამვლელი ჰაერი არსად წასულა, მეტიც, ის დღეს კიდევ უფრო მეტად საშიშია.